حنان الأم ........

الأم ما أجملها من كلمة وما أجملها من واقع أيضا لكنه سبحان الله واقع مشترك بين الأمهات جميعهن ألا وهو موضوع القرد في عين أمه غزال وده مش هو اللي ناوي أتكلم عنه لكن الموضوع الآخر اللي شديد الأهمسة بالنسبة لي فدائما ما ترى الأم ابنها في حالة غذائية سيئة لم يعد يأكل سوى 30 بيضة في حوالي 18 رغيف وبس يا عيني مع 7 قطع من الجبنة القريش حيث أنه لا يحبها ولا يأكلها يعني إلا حتة صغيرة من نِفسه فهو بتلك الكميات الغذائية يتبع نظام غذائي سيء ولذلك فهو خاسس ياعين أمه أو وزنه بادئ ينزل بس ماحدش حاسس إلى أمه (قلب الأم بيحس بالحاجة قبل ماتحصل) عشان كدة هو مابقاش زي الأول فهذه الأم الحنينة لا تهدأ إلا بعد أن تعمل له عملية تزغيط في كل وجبة (فاكر جورج سيدهم) لتتراكم أطنان الشحوم عليه تثقله وزنا وعقلا وفعلا وحركة فلا يستطيع المشي أو حتى التفكير ولا فعل أي شيء آخر حتى الإستيقاظ من النوم لا يتم إلا بأنه التي تصحيه على موشح كل يوم : قوم يا عجل أو يابغل ( حسب اختلاف الاقوال وهناك حاجات تانية مثل حلوف) يخرب بيت اللي عمل فيك كدة!!!!!!