صاحبنا الذي يفكر في اختيار عروسة ها يفكر بكام مستوى تفكير كل واحد على قد خبرته بس صدقوني مهما كانت خبرته وهو بيفكر في واحدة عشان يرتبط بيها هايكون تفكيره في مستوى من دول:
المستويات دي مترتبة من تشريحا من فوق لتحت:
المستوى الأول : ارتباط بالعقل وده إنك بتفكر دي بنت ناس كويسة مؤهل مناسب واجهة اجتماعية و الشكل بتخليه آخر حاجة
المستوى التاني : ارتباط القلب اللي هوة بالبلدي الحب يعني إنك بتحب واحدة ومش عارف ليه (غالبا من أول نظرة) وممكن تبقى مقتنع تمام الاقتنناع إنها مش مناسباك بس أهو حكم الهوى ....... والغالبية من الشباب كدة.
المستوى التالت : ده غالبا بيكون بتاع الجماعة التخان اللي هم أغلب تفكيره في الأكل وهو حاجة من اتنين أكل حماتك اللي يهبل وماحدش يقدر يفاومه وتاكل صوابعك وراه لحد ماتخلص في وجبتين ولا تلات وجبات وتمشي صوابعك مقرمعة ..... أو بقى لو حظك وبنتها كمان متعلمة منها وهي اللي بتطبخ وده بقى اللي هايخليك تكمل على بقيت إيدك أكل.
المستوى الرابع والأخير: وده برضه ناس كتير بتفكر بيه اللي هو لازم يرتبط بواحدة سكسي أبيل وده بقى أوطى مستوى للتفكير لأنك لو كدة نصيحة بلاش تتجوز أحسن لأن مافيش واحدة هاتفضل سكسي طول العمر ....
اللي عايز أقوله إن الارتباط شر لابد منه وعشان كدة إنك في اختيارشريكة حياتك لازم تعمل توازن بين المستويات التلاتة الأولى ومع دخول العنصر الرابع برضه بنسبة مش كبيرة ......لكن صدقني العاطفة اللي موجودة ممكن تروح فعشان كدة مانختارش بالقلب بس فنختار بالقلب ونحكم العقل بعد كدة ينفع ولا لأ لأن الدين والأخلاقيات لازم تبقى موجودة وبقوة كمان لأنها ممكن زي ماحبتك تحب غيرك وتعمل إيه ياحلو في اللحظة دي لو مافيش رادع يمنعها ..... يبقى لازم دين وأخلاق ولازم عشان الحياة تستمر الحب يبقى موجود أو على الأصح الألفة اللي هي مش عشق لكن فيها مودة ..... وبرضه ما ينفعش تموت من الجوع إوعى تنسى إنك هاترجع من الشغل تعبان ولازم تاكل كويس فلازم تكون اللي هاترتبط بيها ست بي تكويسة وإذا كانت حماتك هي اللي كدة بس فاإن هاتضطر لحاجتين إما إنك تعتمد على حماتك وده أنا باحذرك منه الحل التاني تبعتها دورة تدريبية عند أمك أو أمها واحذر برضه من حكاية أمها دي وأخيرا في العصر الصعب اللي إحنا عايشين فيه لازم تختار حاجة تملى عينك برضه عشان ماتبقاش متجوز وبرضه ماشي تبص عالبنات
وربنا يوفق كل الشباب والشابات لجواز سعييييييييييييييييييييد مع أنه برضه من رابع المستحيلات.