عارف ليه ؟

عارف يعني إيه إن واحد زي وائل غنيم يكون متجوز أمريكية وعنده كل حاجة و نازل الثورة!

يعني إيه لما واحد نزل من سويسرا مخصوص هو ومراته عشان يشاركنا الثورة!

لما واحد عنده عربية و فيلا على النيل و عنده 65 سنة وينزل عشان يشارك !

لما واحد أستاذ جامعي .. طبيب .. وعنده عيادة شغالة بدخل لا يقل يوميا عن 20000 جنيه و ينزل يشارك !

معناه إن الناس دي مش نازلة عشان نفسها ..

دي نازلة عشان ناس تانية ..

ناس مش لاقية تاكل و لا لاقية تشرب و بتبات جعانة و ناس تانية مش لا قية تعليم ولا صحة و لا مية  ولا كهربا و لا بيت أصلا

ناس تانية بتقبض 300 جنيه

ناس تانية جالها فشل كلوي مع إن عندنا نهر من الجنة!!

و ناس تانية تدخل تعمل أي عملية في مستشفى حكومي تخرج بفيرس سي !

و ناس تانية بتضرب على قفاها في المواصلات .. اللا آدمية

رغم إن ده كله مش فارق معاه .. هو عنده كل حاجة إلا إنه نزل





نزل عشان خاطر غيره ..

فضل مصلحة غيره على مصلحته ..

فضل إن غيره يعيش حياة كريمة و يسقط النظام اللي في ظله كوّن الملايين من الجنيهات

لازم نفهم إننا النهاردة بنفضّل كرهنا الشخصي و مشاعرنا الشخصية ناحية الإخوان على مصلحة البلد ..

سواء بالمقاطعة أو بانتخاب شفيق

لازم نعرف إن الإخوان طلعوا على حق و بيبصوا لقدام 100 خطوة

نزلوا الاستبن بدل الشاطر و كان ماكان ..

رشحوا رئيس جمهورية عشان خاطر خطوة زي بتاعت حل البرلمان

آه أنا مش معاهم في حاجات كتييييييييييييييييييييييير فشخ

بس اكتشفت إنهم عندهم سيستم و عندهم هدف ..

محدش يقوللي هدفهم السلطة عشان ما ضربوش. .

و هو مين في مصر هدفه مش السلطة ؟؟؟

يعني حزب الوفد و لا أي حزب سكة ما لوش تلاتين لازمة عايز إيه غير السلطة ؟

المهم الهدف من وراء السلطة إيه ؟

عايزين السلطة عشان يتمنظروا علينا ؟

طيب ما كانوا انضموا للحزب الوطني و بلاها وجع دماغ ؟

و لا عايزين السلطة عشان هدف تاني أسمى و أكبر ..

و هو تطبيق العدل و إقامة الدولة الإسلامية ..

عشان خاطري يا أخينا ما تحاولش تقوللي أصل نيتهم وحشة

يابن الذين إنت عرفت نيتهم منين ؟

يا إما إنت بتعرف تتنبأ بالغيب و تقرأ الأفكار أو إنت كذااااااااااااااااب

و على الأرجح هي التانية ..

إنما بقى مواقفهم المختلفة فكل موقف ليه رد ..

خليك بني آدم ..

خليك بتفكّر .. و ما تمشيش ورا المشاعر و احسبها صح ..

خليك إيجابي .. وسقّط شفيق